यादी

यादीत चंद्राचं नाव
इतक्या वेळा कसं?
तर म्हणाले
हे वेगवेगळ्या दिवशीचं!
व्हेरिफिकेशनला गेले तर
सगळीच नावं कॅन्सल!
त्या दिवशी
नेमकी
अमोश्या!
पृथ्वीचं नांव दोनदा म्हणताना
इतर ग्रहांनी आरडाओरडाच केला
तर
एकदा स्वत:भोवती फिरताना
आणि
दुसरं म्हणजे
सूर्याभोवती फिरताना

हे सगळं ठीक आहे
पण
सूर्याचं नावच नाही
म्हणजे भलताच घोटाळा की!

लालबुंद होत डोस्कं तापलेला
केबिन ढकलन
साहेबांसमोर धडकलो
म्हणाला
`अहो मी रोज उगवतोय
पहाटे उठून!
तर म्हणाले,
उपकार करतोस कां?
आमच्या ऑफिसनं
थोडंच सांगितलंय उगवायला !
बिचारा संध्याकाळपर्यंत
ताटकळत
अखेर समुद्रात बुडी मारली!

माझ्याकडे आले
म्हटलं `माझं नाव कुठंय?
तर `केवायसी’ ंनाही केली
सगळे पेपर्स सबमिट केले होते
गावावरून किती साली
इथे आलो
एस एस सीचं मार्क शीट
रेशनकार्ड
वगैरे
वगैरे!
पण म्हणाले
`गावी कुठून आलात’