□ सरकारी नोकरीत आम्हालाही सामावून घ्या. तृतीयपंथीयांची हायकोर्टात याचिका
■ तिथल्या काही लोकांपेक्षा हे अधिक पुरुषार्थाने काम करतील.
□ शिकलेल्या मुस्लिम मुलांना हिंदू मुली जाळ्यात ओढतात- माजी मुख्य आयुक्त डॉ. कुरेशी यांच्या वक्तव्याने खळबळ
■ घ्या आता… हा तर रिव्हर्स लव्ह जिहाद!
□ लोकशाहीसाठी काँग्रेस मजबूत असणे आवश्यक – केंद्रीय मंत्री नितीन गडकरी यांचे वक्तव्य
■ देशासाठी लोकशाही मजबूत असणे आवश्यक आहे, हे आधी मोदीशहांना सांगा नितीनजी… मग काँग्रेसकडे वळा… म्हणजे ती मजबूत करण्याकडे वळा…
□ प्रसिद्ध भरतनाट्यम नृत्यांगनेला केरळमधील त्रिशूर जिल्ह्यातील कूडलमणिक्यम मंदिरात ती हिंदू नसल्याने नृत्य करण्यास मनाई
■ एकदा हा भेदभाव स्वीकारला की पुढे दलितांना प्रवेशबंदीही स्वीकारावी लागणार, हे या भोंदुत्वाच्या नादी लागलेल्या बहुजनांना कधी कळणार?
□ सध्या जनता जे भोगतेय ते पाहता सामान्यांसाठी यापेक्षा `बुरे दिन’ असूच शकत नाहीत- काँग्रेस खासदार अधीर रंजन चौधरी
■ एवढा सामान्यजनांचा पुळका आहे, तर उतरा की रस्त्यावर, करा कंठशोष, द्या सत्तेला आव्हान? जनता अजूनही संधी देईल तुम्हाला.
□ पत्नीबाबत थट्टा सहन न झाल्याने हॉलिवुड अभिनेता विल स्मिथ याने ऑस्कर सोहळ्यात निवेदकाच्या थोबाडीत लगावली
■ घरी रोज थंडगार जेवण आणि त्याहून थंडगार बायको यांचा सामना करण्याची भीती अनेक पुरुषांना शूर बनवते…
□ टीका करा, पण त्यात द्वेष नको. हे घातक आहे- शरद पवारांचा भाजपला टोला
■ त्यांनी मतांचं पीक महाभयंकर द्वेषाच्या खतपाण्यावरच घेतलं आहे पवारसाहेब!
□ आठ दिवसात पेट्रोल, डिझेल चार रुपयांनी भडकले. दोन शहरांमध्ये डिझेलने गाठले शतक
■ अजून लंकेइतकी महागाई झालेली नाहीये ना, मग हेच अच्छे दिन आहेत भक्तजनांसाठी!
□ महाराष्ट्रात १४ वर्षात `ईडी’ची ८० प्रकरणे. एकही सुनावणी नाही. विशेष पीएमएलए न्यायालयाच्या आदेशातून उघड झाली रखडपट्टी
■ हे ईडी नावाचं प्रकरणच एकदा नीट मार्गी लावायला लागणार आहे मराठीजनांना.
□ कोरोना कॉलरट्यूनपासून लवकरच होणार सुटका!
■ कॉल नको, पण ट्यून आवर, अशी वेळ आणलीच होती या ट्यूनने.
□ गुन्हेगारांचीही `कुंडली’. दोषी आरोपींचे जैविक नमुने गोळा करण्याचे अधिकार देणारे विधेयक सादर
■ हळुहळू नागरिकांच्या सगळ्या स्वातंत्र्याचा संकोच करण्याकडे वाटचाल सुरू झाली आहे… सावधान!
□ चीनची आर्थिक राजधानी शांघायमध्ये पुन्हा एकदा लॉकडाऊन. दोन वर्षातील सर्वात मोठे निर्बंध
■ दुसर्यासाठी खणलेल्या खड्ड्यात स्वत: पडायची वेळ येते कधी कधी.
□ काही वर्षांपूर्वी उघड झालेल्या जैन डायरी, बिर्ला डायरीतील भाजप नेत्यांची नावे उघड करून त्यांच्यावर कारवाई करा- संजय राऊत
■ भाजपचे नेते आणि भ्रष्ट? असं कसं होईल राऊत साहेब! अशी कारवाई करायला गेले तर ईडीला वरूनच काडी लागेल!
□ राष्ट्रपतीपदासाठी उत्सुक नाही- मायावती
■ कुणी विचारलंय? आणि समजा असता उत्सुक, तरी काय फरक पडला असता?
□ कितीही आपटा… सरकार पडणार नाही- उपमुख्यमंत्री अजित पवार यांनी ठणकावले
■ आपटून आपटून काळेनिळे झाले आहेत हो… कपडे, कपडे…
□ मुलांना घटस्फोटित आईची जात लावण्याचा अधिकार
■ आईची जात सोयीची असली तरच लागणार…
□ नारायण राणे, कृपाशंकर सिंह गंगास्नान करून पवित्र झाले का?- नाना पटोले
■ त्यांच्याकडे डायरेक्ट नळ बसवलेत गंगेचे!
□ हिंदी सिनेसृष्टीत वर्णभेद- अभिनेता नवाजुद्दीन सिद्दीकीचा आरोप
■ आरोप कसला त्यात, वस्तुस्थिती आहे ती.
□ आठ वर्षांत भाजपने किती काश्मिरी पंडितांचे पुनर्वसन केले? अनुपम खेर यांचा पलटवार
■ अरे, यांच्या डोक्याला काही दुखापत झाली की काय? एकदम ताळ्यावर कसे आले?
□ राष्ट्रीय स्वयंसेवक संघ कोणाला आपला शत्रू मानत नाही- संघनेते राम माधव
■ यांचे लोक जे काही करतील त्याची जबाबदारी ज्याची त्याची. परमेश्वराप्रमाणे निराकार, निर्गुण वगैरे आहे का संघ?