अशी आहे ग्रहस्थिती
रवी-बुध (अस्त) कर्केत, मंगळ-शुक्र सिंहेत, केतू वृश्चिकेत, शनी-प्लूटो (वक्री) मकरेत, गुरु-नेपच्युन (वक्री) कुंभेत, चंद्र मीनेत त्यानंतर मेष, वृषभेत. सप्ताहाच्या अखेरीस मिथुनेत. राहू वृषभेत. ४ ऑगस्ट रोजी कामिनी एकादशी.
मेष – येत्या आठवड्यात खूप सावधपणे पावले टाका. मंगळाचे झालेले राश्यांतर आणि शुक्राबरोबरची युती यामुळे काही प्रमाणात व्यभिचारी वृत्तीचा प्रभाव वाढू शकतो. शुक्र, मंगळ, नेपच्युन या समसप्तक योगामुळे प्रेमप्रकरणात फसगत होण्याची शक्यता आहे. त्यामुळे जबाबदारीने वागा. कुणी आश्वासन देत असेल तर त्यात अडकू नका. घरात भाऊबंदकी होण्याची शक्यता आहे, त्याला रवी, शनी, प्लूटो आणि बुध यांचा समसप्तक योग कारणीभूत ठरू शकतो. आर्थिक व्यवहार करताना काळजी घ्या. वैवाहिक जोडीदारासोबत सौख्याचा काळ आहे.
वृषभ – काही झाले तरी स्वभावात रागीटपणा येऊ देऊ नका. राशीमध्ये होणार्‍या राहूच्या भ्रमणामुळे थोडी चिडचिड होऊ शकते. काळजी घ्या. राशीस्वामींचे सिंहेतले राश्यांतर कौटुंबिक स्वास्थ्य उत्तम ठेवेल. ऑगस्ट महिन्याची सुरवात उत्तम राहील. एक आणि दोन तारखेला होणार्‍या शुक्र, चंद्र, मंगळ यांच्या नवपंचम योगामुळे आर्थिक प्राप्ती वाढणार असली तरी घरातील खर्चही वाढू शकतो. घरातील ज्येष्ठ मंडळींशी सामंजस्याने वागा आणि बोला. सरकारी क्षेत्रात काम करत असाल तर थोडे सावध राहा. विसंवादामुळे मनस्तापाचे प्रसंग उद्भवू शकतात. मुलांबरोबर सवांद करत राहा.
मिथुन – बाहेरगावी अथवा परदेशात शिक्षणासाठी प्रवेश घेण्यासाठी विद्यार्थीवर्गाचे प्रयत्न सुरू असतील तर त्यात हमखास यश मिळेल. येत्या आठवड्यात स्वकर्तृत्वातून उत्तम यश पदरात पडू शकते, त्यामुळे आनंदी राहाल. प्रवासातून नव्या ओळखी होतील, त्यामधून चांगला फायदा होऊ शकतो. कामाच्या निमित्ताने दगदग धावपळ होऊ शकते, त्यामधून आरोग्याचा त्रास उद्भवू शकतो. व्यवसाय-नोकरीत समाधानकारक स्थिती राहील. गुरुकृपा लाभेल, त्यामुळे कामे मार्गी लागतील.
कर्क – व्यावसायिकांना हा आठवडा लाभदायक राहणार आहे. मनाजोगे आर्थिक लाभ होतील. अनेक दिवसांपासून अडकून राहिलेली जुनी येणी वसूल होतील. याखेरीज काही अनपेक्षित लाभ होण्याचे योग जमून येत आहेत. आठवड्याच्या सुरुवातीला होत असणारा शुक्र, मंगळ, चंद्राचा नवपंचम योग हा घबाडप्राप्ती मिळवून देईल. द्वितीयेतील सिंहेच्या मंगळामुळे शब्दाची धार वाढणार नाही याकडे लक्ष ठेवा.
सिंह – खिसा येत्या आठवड्यात खाली राहणार आहे, खरेदीवर नियंत्रण राहणार नाही. त्यामुळे खर्च करताना जरा काळजी घ्या. घरात कुरबुरी होऊ शकतात. उधारउसनवारी वसूल होण्यात अडचणी निर्माण होण्याची शक्यता आहे, त्यामुळे योग्य ती खबरदारी घ्या. आठवडा अडथळ्यांचा जाणार आहे, त्यामुळे प्रत्येक पाऊल टाकताना जरा जपूनच राहा. महिलावर्गाच्या आरोग्याच्या तक्रारी उद्भवू शकतात.
कन्या – कामात अडथळे निर्माण होण्याचा हा काळ आहे. रवी, बुध, शनी समसप्तक योगामुळे कामात अडथळे निर्माण होतील. नोकरीच्या ठिकाणी वरिष्ठांबरोबर काही कारणांमुळे खटके उडू शकतात. हे प्रकार होणार नाहीत याची काळजी घ्या. व्ययस्थानात होत असणारे मंगळाचे भ्रमण आणि षष्ठातले वक्री गुरूचे भ्रमण यामुळे आरोग्याच्या समस्या निर्माण होऊ शकतात. चुकून जुन्या आजाराला पुन्हा निमंत्रण मिळू शकते. त्यामुळे योग्य काळजी घ्या.
तूळ – या आठवड्यात अनपेक्षित लाभ मिळणार आहेत. आठवड्याच्या सुरवातीच्या दोन दिवसांनंतर होत असलेल्या शुक्र, मंगळ आणि चंद्र यांच्या नवपंचम योगामुळे काही अविस्मरणीय घटनांचा अनुभव येईल. धनस्थानातला केतू पैसे अडकवून ठेवेल, उसने पैसे कुणाला देऊ नका, बुडतील. व्यावसायिक हितसंबंध जपण्यासाठी तडजोड स्वीकारण्याखेरीज पर्याय नाही, कायद्याच्या चौकटीत राहून काम करा, उसी में भलाई है.
वृश्चिक – मनासारख्या घटना घडण्याचा काळ आहे. नोकरदारांसाठी प्रमोशनचे योग जुळून येत आहेत. समाजात प्रतिष्ठा मिळेल. त्यामुळे आनंदी राहाल. लाभातल्या केतूमुळे स्वभाव थोडा चिडचिडा होईल, त्यामुळे कुणाचा अपमान होणार नाही याची खबरदारी घ्या. विद्यार्थीवर्गाला हा आठवडा शुभ जाईल. कुटुंबासोबत वेळ घालवाल, त्यामुळे ताणतणाव जाणवणार नाही.
धनू – अडथळ्याची शर्यत नशिबात आहे. त्यामुळे कोणतेही काम करताना नियोजनपूर्वक करा, म्हणजे त्रास होणार नाही. आठवडा फारसा अनुकूल नाही. सध्या सुरू असणार्‍या साडेसातीची तीव्रता जाणवेल. कामे अडकून राहतील. परदेशात कामाच्या संदर्भात बोलणी सुरू असतील, तर त्यात खंड पडेल, त्यामुळे मन अस्वस्थ होईल. विद्यार्थीवर्गाला हा आठवडा एकदम लकी राहणार आहे.
मकर – धार्मिक कार्यात मन रमवाल. त्यामुळे मन समाधानी राहील. साडेसातीचा काळ सुरू आहे, त्यामुळे आर्थिक व्यवहार सांभाळा. विमा किंवा स्थावर मालमत्तेसंदर्भात हालचाली करण्यासाठी चांगला काळ आहे. बँकिंग व्यवसायासंदर्भात कोणाची जबादारी घेऊ नका, उगाचच कुठेतरी अडकाल. वक्री शनीच्या लग्नात होत असणार्‍या भ्रमणामुळे निर्णयक्षमता कमकुवत होईल, त्याकडे लक्ष द्या.
कुंभ – काही कारणांमुळे खर्चात भर पडू शकते. मात्र, गुरूकृपेमुळे अनपेक्षित लाभ होतील. एखादे काम झटव्ाäयात मनासारखे पूर्ण होईल, त्यामुळे चेहर्‍यावर हसू दिसेल. कुटुंबाबरोबर वावरताना प्रश्न चिघळणार नाहीत याची काळजी घ्या. सुखस्थानातला राहू आणि एक व दोन ऑगस्ट रोजी होत असणारे चंद्र-राहू योग यामुळे निराशा वाढू शकते. त्यामुळे संयम बाळगा, श्रद्धा-सबुरीने घ्या, म्हणजे नेमका मार्ग सापडेल.
मीन – कुटुंबात वाद सुरू असतील तर ते वेळीच मिटवा. कामाच्या ठिकाणी सकारात्मक राहा, फायदा होईल. रक्तदाबाचा विकार असणार्‍या मंडळींनी योग्य खबरदारी घ्यावी, एखादा नवा त्रास मागे लागू शकतो. आगीपासून दोन हात दूरच राहा. देवदर्शनासाठी प्रवासाचे योग जमून येत आहेत. ईश्वरभक्तीने मनाला समाधान लाभेल. ते सध्याच्या काळात तुमच्यासाठी आवश्यक आहे.
