एकनाथ शिंदे
एकच होतं मनात माझ्या
सूड, सूड आणि सूड
म्हणूनच केली गद्दारी मी
भरल्या घराला लावली चूड
त्यांनी आमिष दावता
बनलो अलिबाबा
चाळीस चोरांसंगे
गाठला भाजप धाबा
त्यांनी केली कमाल
सीएम करून बसले
देवेंद्रांसह सारे
पोट धरून हसले
—– —– —–
देवेंद्र फडणवीस
शिवसेना फोडण्याचं
घेतलं होतं कंत्राट
आयोग होता सोबत
काम केलं भन्नाट
असली कामे करण्यात
पहिला माझा नंबर
दाढीवाल्यांना पटवून
टाकला मी बम्पर
चढलीय बघा आता
गालावर लाली
जनतेने फेकू नये
उंचावरून खाली
—– —– —–
नरेंद्र मोदी
बीएमसी जिंकली मी
राज्य जिंकतो आम्ही
सोन्याची कोंबडी ती
अंडी उबवू नामी
कोंबडी पकडताना
शिवसेना हाच फांदा
तिच्यामुळेच आहे
भाजपचा वांदा
म्हणून तिची करतोय
सगळीकडून कोंडी
मुंबईकरांना काय कळणार
आमची लबाडी
—– —– —–
अमित शहा
गरज असेपर्यंत
त्यांना वापरून घेऊ
कळणार नाही नंतर
कुठे फेकून देऊ
तोपर्यंत आमचे
चाटू दे तळवे
त्यांची नाटकं पाहून
नाही होणार हळवे
पत्थर का दिल मेरा
नाही फुटणार पाझर
घर का ना घाट का
रहेगा बेघर
—– —– —–
निवडणूक आयोग
पहिल्यापासून आम्ही
सरकारचे नोकर
मोदी-शहांचे तर
निष्ठावान चाकर
ते सांगतील ती ऑर्डर
प्रमाण आम्हाला
मर्यादा ओलांडून
लागलो कामाला
शिवसेना संपवणे
हेच होते काम
त्यासाठी मिळालाय
हवा तेवढा दाम
