कृषी कायद्यांच्या विरोधात आंदोलन करणाऱ्या शेतकऱ्यांना समाजातील विविध स्तरांतून समर्थन मिळत आहे. सोमवारी अनेक आजी-माजी खेळाडू कृषी कायद्यांविरोधात आपला अवॉर्ड परत करण्यासाठी राष्ट्रपती भवनाच्या दिशेने निघाले. मात्र या सर्वांना दिल्ली पोलिसांनी रस्त्यातच रोखले.
Delhi Police stop sportspersons who were marching towards Rashtrapati Bhavan to return their awards to the President in protest against the new farm laws. Wrestler Kartar Singh says, "30 sportspersons from Punjab and some others want to return their award". pic.twitter.com/tnzMLKs35J
— ANI (@ANI) December 7, 2020
शेतकऱ्यांच्या आंदोलनाच्या समर्थनार्थ पंजाब आणि अन्य राज्यांचे जवळपास 30 आजी-माजी खेळाडूंनी आपले पुरस्कार करण्याचे निश्चित केले आहे. पैलवान करतार सिंह यांच्या माहितीनुसार, 30 खेळाडू मार्च करत राष्ट्रपतींना अवॉर्ड परत करण्यास जात होते. पंजाब आणि अन्य भागातून आलेले खेळाडू असे करू इच्छित असल्याचे त्यांनी सांगितले.
कृषी कायद्यांविरोधात पुरस्कार परत करण्यास काही दिवसांपूर्वीच सुरुवात झाली होती. याची सुरुवात पंजाबचे माजी मुख्यमंत्री प्रकाश सिंह बादल यांनी आपला पद्म पुरस्कार परत करून केली होती. त्यानंतर काही लेखकांनी साहित्य अकादमीचे पुरस्कार परत केले होते.
सौजन्य- सामना
