सुपरस्टार अभिनेते रजनीकांत यांना उच्च रक्तदाबाचा त्रास होऊ लागल्याने त्यांना हैदराबादमधील अपोलो रुग्णालयात दाखल करण्यात आले आहे. रजनीकांत यांची काही दिवसांपूर्वी कोरोनाची चाचणी निगेटीव्ह आली होती.
रजनीकांत हे गेल्या काही दिवसांपासून शूटींग करत होते. मात्र त्यांच्या चित्रपटाच्या सेटवर कोरोनाचे रुग्ण आढळून आल्यानंतर शूटींग थांबविण्यात आले. त्यानंतर रजनीकांत यांची देखील चाचणी करण्यात आली मात्र त्यांची चाचणी निगेटीव्ह आली त्यानंतर त्यांनी स्वत:ला क्वारंटाईन केले होते.
Rajinikanth admitted to hospital this morning after showing severe fluctuation in blood pressure. He'll be investigated & monitored closely till his bp settles down before being discharged. He doesn't have any other symptoms & is hemodynamically stable: Apollo Hospital, Hyderabad pic.twitter.com/lQYPErCFRk
— ANI (@ANI) December 25, 2020
रजनीकांत कोरोना पॉझिटिव्ह असल्याचा जोक केला, अभिनेता झाला ट्रोल
सोशल मीडियावर अभिनेते रजनीकांत यांच्याशी निगडीत विनोद हे खरेतर नवीन नाहीत. प्रसंग कोणताही असला तरी त्यानुरुप रजनीकांत यांचे विनोद तयार होतात आणि खसखस पिकतेच. पण, कोरोनासारख्या गंभीर विषयावरून रजनीकांत यांच्यावर विनोद करणं एका अभिनेत्याला महागात पडलं होतं. कारण, नेटकऱ्यांनी या अभिनेत्याला ट्रोल केलं आहे. हा अभिनेता म्हणजे रोहित रॉय आहे. रोहित याने काही दिवसांपूर्वी सोशल मीडिया अकाउंटवरून एक पोस्ट शेअर केली. त्यात अभिनेते रजनीकांत यांना कोरोना झाल्याचं म्हटलं होतं. त्याची पोस्ट व्हायरल झाल्यानंतर रजनीकांत यांच्या चाहत्यांसह नेटकऱ्यांनीही त्याला शाब्दिक फटके द्यायला सुरुवात केली.
देवी-देवतांचा अपमान थांबवा! रजनीकांत कडाडले
तमिळनाडूमध्ये एका धार्मिक गीताबाबत आक्षेपार्ह गोष्टी बोलत त्याचा अवमान करत टीका टीप्पणी करण्यावरून वाद निर्माण झाला आहे. या प्रकरणी तमिळनाडू सरकारने ही टीका टीपण्णी करणाऱ्यांवर कारवाई केली आहे. रजनीकांत यांनी या कारवाईचे समर्थन करत सरकारला पाठिंबा दर्शवला आहे. कंठ सष्टी कवसम या हिंदू धर्मियांच्या गीतावर टीका करणारा व्हिडीओ करूप्पर कूट्टम या युट्युब चॅनेलवर प्रसिद्ध करण्यात आला आहे. सरकारने हा व्हिडीओ अपलोड करणाऱ्यांविरोधात कारवाई करत असतानाच हा व्हिडीओ देखील डिलीट केला आहे.
सौजन्य- सामना
