आता महाविद्यालयेही सुरू होणार? 20 जानेवारीपर्यंत निर्णयाची शक्यता

महाविद्यालये सुरू करण्यापूर्वी राज्यातील जिल्हाधिकाऱयांशी चर्चा करून तेथील कोरोना परिस्थितीचा आढावा घेतला जाईल, तसेच प्रत्येक जिह्यातील वसतिगृहांची तपासणी, क्वारंटाईन सेंटरसाठी देण्यात आलेल्या महाविद्यालयांची सध्याची स्थिती काय आहे हेदेखील पाहण्यात येईल, असेही त्यांनी स्पष्ट केले.

महाविद्यालयात येणारे विद्यार्थी, प्राध्यापक, प्राचार्य आणि शिक्षकेतर कर्मचाऱयांची सुरक्षा, त्यांचे आरोग्य याला सर्वप्रथम प्राधान्य असल्याचे सांगून कोरोनाच्या पार्श्वभूमीवर महाविद्यालयांसाठी वेगळी नियमावली तयार करण्याचा विचारही सुरू असल्याचे या वेळी उदय सामंत म्हणाले. या वेळी त्यांनी प्राध्यापक, प्रायार्य भरती, महाविद्यालयांचे प्रश्न, प्रवेशप्रक्रियेतील अडथळे याविषयांवरही संवाद साधला.

उच्च व तंत्रशिक्षण विभागाचे काही महत्त्वपूर्ण निर्णय

•  प्राचार्यांची 260 तर विद्यापीठातील 49 संवैधानिक पदे भरण्याचा निर्णय; लवकरच अंमलबजावणीदेखील होणार.  
• तांत्रिक अडचणी पाहता लॉ अभ्यासक्रमासाठी प्रवेश घेण्यास 11 व 12 जानेवारीपर्यंत वाढीव मुदत.  
• तंत्रशिक्षण अभ्यासक्रमाच्या प्रवेशासही 15 जानेवारीपर्यंत मुदतवाढ देण्यात आली आहे.  
• मुक्त विद्यापीठातील शिक्षक व शिक्षकेतर कर्मचाऱयांनाही सातवा वेतन आयोग लागू.  
• गोंडवाना विद्यापीठात अत्याधुनिक डेटा सेंटर उभारण्यास परवानगी.  
• गडचिरोली, चंद्रपूरसारख्या दुर्गम भागात मॉडेल कॉलेज होणार.
• प्रत्येक जिह्यात मुक्त विद्यापीठ

राज्यातल्या प्रत्येक जिह्यात यशवंतराव चव्हाण महाराष्ट्र मुक्त विद्यापीठाचे केंद्र सुरू करण्याचा राज्य सरकारचा विचार असून गोवा राज्यात मुक्त विद्यापीठाची शाखा सुरू करण्याविषयी मुख्यमंत्री प्रमोद सावंत यांच्याशी चर्चा सुरू असल्याचेही उदय सामंत यांनी या वेळी स्पष्ट केले.

12 सदस्यीय मंगेशकर समितीची घोषणा

मुंबईत पंडित हृदयनाथ मंगेशकर आंतरराष्ट्रीय संगीत महाविद्यालय स्थापन करण्यात येणार असून त्यासाठी ज्येष्ठ संगीतकार पंडित हृदयनाथ मंगेशकर यांच्या अध्यक्षतेखाली 12 सदस्यांची समिती स्थापन करण्यात येणार असल्याची घोषणा उदय सामंत यांनी केली.