जम्मू कश्मीरमधील शोपियन जिल्ह्यातील कनिगम भागात सुरक्षा दल व दहशतवाद्यांमध्ये सुरू असलेल्या चकमकीत दोन दहशतवाद्यांचा खात्मा करण्यात आला आहे. अद्याप ही चकमक सुरू असून आणखी काही दहशतवादी या ठिकाणी लपले असल्याची शक्यता वर्तविण्यात येत आहे.
कनिगम भागात काही दहशतवादी लपले असल्याची माहिती गुप्तचर यंत्रणांनी सुरक्षा दलाला दिल्यानंतर या भागात शोध मोहिम सुरू करण्यात आली. या मोहिमेदरम्यान दहशतवाद्यांनी जवानांवर गोळीबार केला. त्यानंतर जवानांनी प्रत्युत्तरादाखल केलेल्या गोळीबारात आतापर्यंत दोन दहशतवाद्यांचा खात्मा करण्यात आला आहे.
सौजन्य : दैनिक सामना
