डोनाल्ड ट्रम्प
या या इथल्या भारतीयांनो
सतत तुम्हाला घालू बेड्या
गुन्हेगार ना तुम्ही आमचे
बघाच माझ्या माकडउड्या
विसरून जा ना तुम्ही आमची
गळाभेट नि चुंबाचुंबी
आमच्या लेखी तुम्हा ना किंमत
आम्ही मोजतो उंची-लांबी
उगा वठवतो मैत्रीचे मी
किती कसे हे खोटे नाटक
दिला तडाखा इंडियाला
बसा बोंबलत पाहत टकमक
—– —– —–
अजित पवार
आमच्या पक्षात माझ्यासकट
सारे नेते स्वच्छ स्वच्छ
नकाच पाहू संशयाने
ओढू नका हो आमचे पुच्छ
नाही कोणी भ्रष्टाचारी
नाही कोणी अत्याचारी
सारे आहेत साधू संत
आम्हा पूज्य प्रत्येक नारी
खोटे आरोप, खोटे गुन्हे
नका करू बदनामी
पुरून उरू सार्‍या जगा
वॉशिंग मशीन आहे भारी
—– —– —–
एकनाथ शिंदे
फुगत चालला पक्ष आमचा
फुग्यासारखा कितीतरी मोठा
करून टाकील आता लवकर
भाजपचाही चम्मनगोटा
मला डावलून जेव्हा तेव्हा
करती मजला ते अपमानित
मोदींनाही गेलो शरण
तरीही माझी नाही किंमत
सूडभावना पेटते मनी
मनामध्ये मी बसतो कुढत
अति झाल्यावर मारतो दांडी
पळतो माझ्या गावी धावत
—– —– —–
चंद्रशेखर ५२कुळे
धस धस यांची केवळ फसफस
ऐकून ऐकून आलो जेरीस
धनंजयाला मिठी मारण्या
आणले त्यांना त्यांच्या भेटीस
धनंजयाला दिला दिलासा
धसका ज्यांचा घेतला त्याने
तोंडालाही चिकटपट्टी ही
धसच्या तोंडी लावली धनूने
एकमेकांना मारीत मिठी
हस्तांदोलन किती प्रेमाने
पंकजाताई फुले उधळती
चौघांनाही गगन ठेंगणे
—– —– —–
नरेंद्र मोदी
सारे काही झाकून ठेवा
करू नका बोलबाला
किती तुडवले, किती बुडाले
पुछनेवालों का मुंहच काला
परमपवित्र पुण्यक्षेत्र हे
अभूतपूर्व हा कुंभमेळा
कोटी कोटी भक्तजन हे
पवित्र होण्या झाले गोळा
शुभकार्याला नाट लावूनी
का दाखवता मुडदे जवळून
मीडिया तुमचा आहे खोटा
नग्न सत्य हे झाका चेपून